✍️ بلاش تقلب في اللي فات✍️كلمات الشاعر/ عابد الفقي

 بلاش تقلب في اللي فات

واللي راح واللي انقضى ..

الجراح ..؟

 اقفل عليها ألف باب ..

وانسى العذاب اللي انتهى ..

ارتاح ..؟

متتعبش نفسك ..لوراح كلامك

فى الهوا ..

الريح ..؟

معاند الكلام ..حالف ماينقل منه حرف .. 

الودان ..؟ قفلت ببانها .. مش ناويه

تسمع اي همس ..

جوارحنا ملٓت من كتر الكلام ..

حالفه ما تقلٓب ف اللي فات ..

     ..... من أعلى ابراج الحمام  ..

رسالة سلام .. من قلب هده الانكسار ..رفع الرايات ندمان ..

حتى الايادي مسلمه ..من فوقها بسمه معتمه ..

الليل ...؟ مطول عندنا .. صاين عهودنا وعهدنا .. حالف ماهيقابل

النهار .. من بعد ما اخد القرار ..

اللي سمعته من سنه ...

....فبلاش ..!

نقلب فى اللي فات واللي راح واللي انقضى .. نطوي صفحة ذكريات .. كانت بينا مؤلمه ..

لسه آثارها معلمه ...

لو هتعاتبني ...؟

عاتب ..! وعتابك انت هيبقى ايه ..

لو جاي تحاسب ..؟ حاسب 

بس الحساب ازاي وليه ...!

تعبت نفسي بكام سؤال ..

مش لاقي اجابه مقنعه ..

غير اني شايف اقنعه ..

مداريه وش المستحيل ..

    ... الواد قلٓيل ..لساه صغير ..

مجابش سن الرشد خالص ..

ولا ليه عضل ولاليه مجانص ..

..عامل عمايل ..! لساه وبرضه

 

مش قادر يقابل ..ايه المقابل ..؟

.. ولا حاجه .. هي دي كات الاجابه .. وقتها بتتقال كتير ..

من ساعة ماكان الصغير .. لساه مخطاش في العلام .. ودا مش كلام .. 

فبلاش واوعاك .. تقلب في اللي فات .. اقفل عليها الذكريات ..

لو يرجع العمر اللي فات .. اقفل عليه كل الببان .. واياك يبان ..

عابد الفقي