تعظيم سلام
سلاما سلاما سلامي لسيادتك
و ألفين سلام لقوة إرادتك
و عزمك و حزمك و حسمك يا ريس
سلاما سلاما سلامي لسعادتك
......................
سلاما سلاما سلامي لفخامتك
و تعظيم سلام يا وحش لضراوتك
ضد أي فاسد و كل شخص راصد
و قاصد يا ريس يعطل مسيرتك
.....................
و شعبك يا ريس دايما معاك
بيدعي اللي خلقك يسدد خطاك
ياللي الخطوة منك يا ريس بميل
ما خطاها ريس يا ريس سواك
.....................
بنغني ليك يا ريس تسلم الأيادي
يا أبيض يا إسود مالكش في الرمادي
يا راسم الحدود يا هادد السدود
يابو الجنود أسود بتنهش الأعادي
.....................
يا باني في المباني يا مأمن المواني
يا ماشي في طريقك محقق الأماني
يا مؤمن بربك شعبك و الله حبك
ياللي في إنجازاتك ساعاتك ثواني
......................
سلاما سلاما يا حافظ كيانك
يا عايش عشانّا و عايشين عشانك
من تلاتة سبعة لفضك لرابعة
و سويس و ضبعة بيحلفوا بزمانك
......................
سلاما سلاما يا ريس سلاما
سلاما يا ريس سلاما ختاما
شاكرين جهودك يا وافي بعهودك
تعظيم سلام لك و إحتراما
بقلم طارق السيد
ليست هناك تعليقات:
إرسال تعليق