#خلوتي
أوعى ملامحي توهمك
و تقول عليا الواد تقي
أنا بعترف إن الحقيقة هاتصدمك
لما يبان عني الخفي
أنا جوه مني كتير ساعات
إنسان غبي
إنسان شقي ......
إنسان دا عمره ما كان ولي
حاجز تذاكر خلوتي
بنسى صلاتي وحجتي
ونسيت ف يوم كنت الإمام
والناس ورايا تقول آمين
وسط الزحام عامليني وِرد العاشقين
وانا في الخفا لأ مش أمين
أنا فعلي فعل المذنيبين
العِمة مش مداريه شيخ
خايف يبوسو الراس تقع
يظهر لهم كل البقع
من سهرة الليل الحزين
كل الغوازي إتحزمت
بعِمة الواد اللعين
وادي ريحة السُكْر اللي غطت
عطر كل الطيبين
توبه يا رب العالمين
قويني واقتل اللي ساكن
جوه مني من سِنين
وابقى الأمين في خلوتي
خلوة قلوب المؤمنين
عصام رمضان جمعه
ليست هناك تعليقات:
إرسال تعليق