ماهو انت
**********
ماهو انت القلب شوف جواه
وانت الفرحة وانت الآه
وشوقى ليك مالى قلبى
وحبك مستحيل أنساه
****************
ماهو انت اللى انكتبلى هواه
وعمرى كله وانا وياه
سكنت فى قلبى ياحبيبى
صبحت قصته ودنياه
***************
ماهو انت اللى بحبه أعيش
وغير حبك فى عمرى مليش
وانت دوايا وانت الروح
وقصة حبى غيرها مليش
****************
ماهو انت اللى نعيم قربه
بعيش هايم وانا وياه
ماهو انت اللى وانا جنبه
محسش مرة طعم الآه
وانت اللى منايا أعيش
واستنى بشوق لقياه
**************
ماهو انت اللى فى عمرى ربيع
ومن غيرك حبيبى أضيع
مالك قلبى وساكن جواه
وعمرى لحبى يوم ما ح أبيع
***************
وبوجودك راح ابنى صروح
بعيش حبك وقلبى طموح
نعيش العمر بسعادة
فى قربك يادوا المجروح
************
ماهو انت ومين غيرك
وفى غيابك بشوف طيفك
تعالى نقرب المسافات
ياأجمل بسمة لحبيبك
ماهو انت
************
أغنية
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق