موت غباشي (661)
................
ده لا يعرف عيب
ولا ما يصحيش
ده ضاربها طناش
قاعد فى البيت
ملهوش لازمه يوعى ما يتشاف
معمي ع الكيف لأجل مزاجه
باع عفش البيت راهن بابه
يأمر فى القصر بخدامه فى
خيال حشاش
بقى وحش مخيف ضرب إهانه
والست بتشقى وغلبانه
عايش بعرقها وبفلوسها
من خوفها بتنكر تعبانه
مرت أيام حاله ما يسرش
صحته فى النازل دوحديرة
ما فى حد في جيرته إلا
يسبه أبو وش مشاكل فى الديره
راجع مسطول وبيترنح
بلسانه سليط وبيتسلح
شكله كده واقع فى الساقيه من نص الليل جسمه مجرح
فى جيران سمعوه قالوا غباشي
حبل يا سعفان إنجدوا يا ولاد
طلع من الساقيه شيطان ماشي
بيسب ويلعن كالعاده
أخر المعروف ضرب لكفوف
تاني مره هتندم يا غباشي
أسبوع ولاقوه واقع تاني
قفلوا في بيبانهم ولا سألوا
الكل فاتوه موت يا غباشي
وولاده كمان ولا شوفناشي
باي باي بشيطانك يا غباشي
بقلم .. صبري رسلان
ليست هناك تعليقات:
إرسال تعليق