نقطة مطر
نقطة مطر فوق ع الشجر
وقعت على توبي سألت
ايه اللي حصل
قالولي ده فصل المطر
أنا قولت خير مهو برده في
فصل الشتا خير للبشر
وكمان لي ذكرى مع الحبيب
اللي هجر
كان مشينا وكان جرينا
تحت المطر
وكان هزارنا وضحكنا بيسعد
الطير ع الشجر
كانت دموعي بتجري مني
وقت أما اسمه بيتذكر
كان المطر عنوان لضحكة
جاية من السفر
جايه تفكرني بعنيك فاكره
لغيرك بفتكر
بس أما بفتكر اللي ليكِ
كان قلبي بيدق بحظر
خايف يسبني ويجي ليكِ
وساعتها يبقى بينتحر
لأني فاكر دمعي ليكِ
وكأن قلبك من حجر
بعد اما أقولك روحي فيكِ
وقلبي بعدك في خطر
ترميني وسط الشوك بأديك
وتقولي سلم للقدر
وقطعت كل طريق اليك
وعملت حاجات لاتغتفر
حاجات بعيده عن البشر
حربت كلمة مستحيل
لما نظرت للشجر
والقلب اللي فيه اسمين
ويمام ع الفرع اللي انكسر
وبكينا عليه بدمع العين
وكأن الحلم بينتحر
كان حب حقيقي و صلب
متين
أقوى من الدنيا و م البشر
ومع إني بعدت بقالي سنين
لكني تملي بحن إليك
كل أما بشوف نقطة مطر
بقلم الشاعر فهمى محمود حجازى
ليست هناك تعليقات:
إرسال تعليق