أين السلام
قتلوا السلام دبحوا الحمام
وعروبة ساكته على الدوام
الطفل مات والكون سُكات
أمه وأبوه صبحم رُفات
حتى الجيران مابقوش
جيران الكل سابه ياناس
ومات
اللي فقد ساقه وعنيه
حتى دواه ممنوع عليه
واللي أصابه كتير أفات
ضرب بقنابل وبدانات
طيران مدافع والغارات
هدموا البيوت فوق البنات
حتى المريض ضربوه ومات
فين العرب صبحم شتات
وفين ماضينا ومجد فات
حتى اللي مات من أهلنا
في الأرض مش عارف يبات
هدموا الجوامع والقبور
إسلامنا محتاج الرسول
ييجي يحفز أمته يبقوا نسور
مش طير ضعيف زي النعام
يعمل من الرملة قبور
علشان مايدفن رأسه فيه
ويا الكرامه ف أرض بور
ده الأقصى كان مسرى الرسول
ورسولنا كان ع الدين غيور
أقصانا يبكي من عصور
أين الملبي للنفور
يامن سكنتم في القصور
أطفالنا لا يأويها دور
وقلوبكوا تسكن في القبور
وقبوركوا جدرانها الصدور
بكره هييجي عليكوا الدور
بعد وفاة تلك الزهور
بقلم الشاعر فهمى محمود حجازي
ليست هناك تعليقات:
إرسال تعليق