إهداء إلى صديقي العزيز
الشاعر اسماعيل عبدالهادي
"طار الحمام"
-----------------
طار الحمام في الفضا
وأخد فؤادي معاه
نفسي أنول الرضا
وأطير بعيد وياه
نوصل لأبعد مدى
ويدفي قلبي هواه
طار الحمام في الفضا
وأخد فؤادي معاه
********
خدني معاك ياحمام
نبعد عن العزال
ونعيش سوا في سلام
وبعيد عن الأهوال
نعيد ليالي زمان
ونكون في أحسن حال
دانا روحي فيك ياحمام
وقلبي ليك ميال
طار الحمام في الفضا
وأخد فؤادي معاه
***********
ياللي عشقت الحمام
وشغلت قلبك بيه
وسقيته حب وغرام
وغواك بسحر عنيه
وفجأة سابك وطار
والروح تحن إليه
آزاي تسيبه يطير
دور عليه تلاقيه
طار الحمام في الفضا
وأخد فؤادي معاه
نفسي أنول الرضا
وأطير بعيد وياه
-----------------------------
بقلمي؛ م/ محمود الحريري
ليست هناك تعليقات:
إرسال تعليق