🌾الكل نادى🌾
وأنت فايت جنب بيتنا
ارمي لينا 100 تحية
وأوعى تنسى إنك فايتنا
ليك سنين والبُعد غية
***
فاكر امتى إحنا شيلنا؟
والزمان في قساوته ضعنا!
وامتى جوه القلب زادت
الهموم .. منها وشبعنا؟
***
ياما ليك .. الكل نادى
قالك ارجع إحنا توبنا
بيك نجدد فرح يسعد
النفوس ونقوله عُدنا
***
الوفاء من يوم ماباعنا
وانتهى ف عيون ولادنا
الأصول تاهت .. غرقنا!
والسواد بقى لون حياتنا
***
اندهوه من تاني .. أصله
لسه فينا كتير.. بيحلم
ح يداريه وعليه يضلل
بيه أكيد م الغم نسلم
***
🌾بقلمي/ صفاء الخواجة 🌾
ليست هناك تعليقات:
إرسال تعليق