ذكريات
تذكرت أيام الصبا
والجري فى الحارات
فتحركت أحاسيسي
تعيد الذكريات
وماضي عدا علينا ولمة
الإخوات
وقلب أخضر جميل
واللعب فى الطرقات
وناس كانت مابينا
والوقت صبحت سكات
وزرع أخضر وبيتنا
وأب فاتني ومات
هزتني ذكرى ودمعه
وحنيني للي فات
وسنين مرت عليا
ما كانش فيها أهات
وطفولة جميلة شقية
وأحلى الأمنيات
وف لحظة لقتني
بَبكي وبفتكر حاجات
و شوق وحنين واخدني
للجدة والعمات
والجدة عمالة تحكي
ونعلي الضحكات
ده
الو قت أنا اللي بحكي
وبفتكر اللي فات
واتمنى ارجع بعمري
وأعيد الذكريات
بقلم الشاعر فهمى محمود حجازى
ليست هناك تعليقات:
إرسال تعليق