🍁مكانك الفاضي 🍁كلمات الشاعر/ علاء محمود

 🌼مكانك الفاضى 🌼

وبتمر السنين يابا....

ويبكى مكانك الفاضى...

ونار البعد دوابة....

يامين يرجّع الماضى...

......

فَانيّت عمرك لراحتنا...

ونشهد ياباَ ما قصَّرت...

وبعدك ما ضحك بيتنا...

على همومنا وياما صبرت...

.....

مكانك لسه متغيّرش..

كأنك لسه بتنادى..

وليك ف قلوبنا أكبر عرش....

وعرشك  يابا مش عادى...

.....

يا غايب بس عن عينى...

وروحك بينا من يومها...

وفضلك سايبه يحمينى....

ف دنيا مستحيل دومها....

......

حزينة يا أبويا لمتنا...

ناقصها وجودك الغالى..

ليل ونهار بدمعتنا...

ومن غيرك يميل حالى...

.....

مصبرنى جمال سيرتك..

يا طيب حتى فى غيابك...

ولو بإيديا ما سِيبتك...

ولا سِيبّت الرحيل صابك...

كلماتى علاء محمود