اتقدم بخالص الشكر إلي اخي وصديقي وشاعرنا المبدع مهندس محمود الحريري علي هديته الجميله ردا علي كلماتي
...*( طار الحمام )*...
*********
ياللي أنيت زي الحمام
وربايتك ليه غيه
وبنيت له قبه ومقام
وفرشت له غيه
طيرك أشكال والوان
بيضا مع سوده وبنيه
من إيدك سقيته حنان
ومورد في الميه
وبحب تحاجي عليه
ويوماتي تفكر فيه
وبكل غرام تلاغيه
والرك .......... ع النيه
طار الحمام في السما
بجناحه شق الهوا
من نظرة حب هوي
ونساك ولا فكر. فيا
آه م الحمام وربايته
وشوفت كتير ف رعايته
لو كنت بأيدي حبسته
لا فرط فيك ولا. فيا
**********
بقلمي/اسماعيل عبدالهادي ابوالعلا
ليست هناك تعليقات:
إرسال تعليق