أمي قولي شايلة الهم ليه
بكرة ان شاء الله هتفرج
و اللي في قلبك هاتنوليه
و الفؤاد ان شاء الله يفرح
ليك رب كريم تدعي ليه
بإذنه وحده عنده مخرج
يبقى كل الاعتماد عليه
تزهزه الدنيا خير و تطرح
أمي قولي شايلة الهم ليه
شايلة هم بكرة و العيال
ربك قريب للي يرتجيه
هو يغير حال من بعد حال
دا كل صعب يهون عليه
عند ربي مفيش محال
أمي الهموم ع الكتف شيلة
نفسي تفرحي و لو لليلة
دي ضحكتك دنيا جميلة
دمع عينك تمنه غالي
زاد في القلب وجع الليالي
اضحكي و زيحي الهموم
تسلمي امرك لربك و تناجيه
أمي قولي شايلة الهم ليه
أمي قولي شايلة الهم ليه
بدوي محمد
الثلاثاء ١٦ يناير ٢٠٢٤
ليست هناك تعليقات:
إرسال تعليق