حب المصلحه
=========
لا تعاتب ولا تلوم إلا نَـفْسَكْ
أنت اللى عملت للندل كرامه
يوم ما شبع داس على نَفَسَكْ
ندمت أنت وجنيت الملامه
=================
لا تعاتب إللى ما يستاهل عتاب
لا تسأل عليه ولا توقف على عتاب
تد يه ما تديه ان شبع يوم
تاني يوم يقفل فى وشك الباب
=====================
كتير عملنا عشانهم البدع
وفي الاخر = = =نسيونا
كانوا بيقولوا راجل جدع
خلصت المصلحه كرهونا
================
فيه ناس كنا حاطينهم تاج ع الراس
اتاريهم مبانى ع الرمل ملوش أساس
كنا فاكرينهم حبايب
طلعت مصلحه وخلاص
(سامح عبد الرحمن ابو النوبي)
ليست هناك تعليقات:
إرسال تعليق