نعيشها ازاى
بقلم.. مجدي الجندي
نعيشها ازاى
وعقولنا متقيدة
فى اوتاد من الايام
وافكارنا متلبدة
فى ماضى
كنا وكان
واملنا تايه مابين
بكره وبين امبارح
تحس انه ساكن
فى عقل اللى سارح
وسايب اللى بيتعب
وناسى المكافح
الحزن جاى من ناحية
والفرح ماشى بطىء
وتطول ياوقت الانتظار
لضحكاية
تهدى ضجيج
وتملى الروح جوايا
حيرانة ياكل الامانى
ونظرتك بتضيق
بتكشى وبتقلى
وبتختفى فى سراديب
لما الوشوش بتشيخ
وتجاعيدها بتكرمش
نفردها بالسيرة
وبألوان متتغشش
وبفرحة فى ماضيها
اللى زاد ولا قلش
يبقى ليه حيرتنا
فى الافكار
وليه نبص لصورتنا
ونتأمل
ونحس اللى صابنا دمار
مع اننا مؤمنين
بالقضا وبالاقدار
امانة عليكِ ياعيشتنا
تريحينا
تهدينا
تخلينا
فى حمد ونعمة
جوه الكون
وع الارض
اللى شيلانا
وفين مانكون
معدش فينا حمل
ولا استحمال
كفاية نعمة اللقمة
وسكنتنا...
وغطى م البرد
وراحة البال
Magdy ELgendy
ليست هناك تعليقات:
إرسال تعليق