فلسطين روحي
جلال محمد
كفرالشيخ..مصر
عذبوني..
أقتلوا حتى العيال
مش هسلم
تِسحلوني تبهدلوني
تقطعوا الزاد والشراب
مش هسلم
مش هسيب أرضي لحد
أرض أبويا والجدود
ومش هنعدي الحدود
وكلامي دا بجد
فلسطين روحي
أخدتوها بالإكراه
وعاوزين منها
تخرجوني؟
دا بُعدكم..
روحي أهون عليا
منكوا
يا اسوأ أهل الأرض
إنتوا
مهما فيا عملتوا
هصبرومش هاقول
ياخلق الله إلحقوني
ومش هسيب أرضي
وكوني
فلسطين مش مجرد
وطني
دي أغلى عندي
من إبني وبنتي
جوه قلبي الأقصى
مبني
ومهما قلبي عليه
تِعبني
أبص فيه أنسى
حزني
فلسطين الكرامة
نور عيوني
وساكنه قلبي
ولوخِلص حبرقلمي
هعبيه تاني من دمي
مهما دمرتوا وقتلتوا
ومهما ف فلسطين
عملتوا
مش هنسلم ليكوا الرايه
ماإنتواجُهال ماعندكوش
درايه
ومهما فيا عملتوا
من أُصُولي إستحاله
تخرجوني
ومن جذوري تخلعوني
إنتوا أبشع شعب ظالم
وربي باللي فيا عالم
ومفكوش واحدمُسالم.
وربي وحده ال بيكون
ف عوني
فلسطين روحي وضي عيني
........................
2023/11/10
ليست هناك تعليقات:
إرسال تعليق