فاكرينى زمان كنت ازاى ؟
كنت انسان مليان بالخير
كنت بحب اساعد الغير
كنت بساعد ومن غير تفكير
كنت مثالى ومكنتش فى
يوم انانى
كنت على غيرى بسأل
وعمرى ما كنت عليه بتقل
كنت ببقى فى الفرح موجود
وفى الحزن كمان موجود
وعمر ما كان ما بينا وما بين
بعض حدود
كان بينى وبين اهل بيتى
مودة وود
مكنش كلامنا
يدوب عل الاد
مكنش ما بينا
عند وصد
مكنتش بقول تعبان
وحيلى اتهد
كنت زمان بحب الناس
ولو زعلنا بنتصالح
بننسى خلاص
مكنش فيه حاجة
اسمها خصام
كان فيه اصول عمرها
ما تتهد
يا خسارة الدنيا اتغيرت
وقلوبنا بالقسوة اتأثرت
والزمن بقى غير زمان
والانسان مبقاش انسان
يا خسارة الدنيا 💔
#سمر_الباز
ليست هناك تعليقات:
إرسال تعليق