أنا المعلم ٤
**********
أنا المعلم ياوطن
وهادى على طول الزمن
أنا اللى داعى للفلاح
وبسد فى كل المحن
أنا اللى حامل للسلاح
وبروحى شاكر للمنن
أنا المعلم ياوطن
أنا اللى نورت العقول
أنا اللى خلى الناس تقول
وبشرفى حامل مهنتى
وريث وعلمنى الرسول
ومهما قاسيت من بلادى
حفضل مناضل للوصول
أنا المعلم ياوطن
أنا المعلم من أنا
قمر منير فى الظلام
ورثت طلابى الهنا
علمتهم كيف الكلام
وصبرت لم اكلل عنا
ودعوت دوما للسلام
فأنا المعلم ياوطن
أنا اللى حامل القلم
أنا اللى حييت العلم
أنا اللى أفنيت عمرى ليك
ولا عمرى تاجرت بكلام
أنا المعلم ياوطن
******
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق