🧚🏻‍♀️ياقلب للاوهام باني🧚🏻‍♀️كلمات الشاعر/ خالد عبد المعطي

 يا قلب للاوهام باني

رجعتلك الاحلام تانى ..

..

مش هى لاء و لا صوتها

و لا كان كلامها و لا سكوتها

كانت صدا لصوت احزانى ..

..

قالت الو 

توهت ما رديت

و العقل قال يمكن و يا ريت

لكن بسرعه يا قلبي صحيت

من حلم  ساكن وجدانى ..

..

عاشق صورتها و راسمها

فى خطوط كفوفى و تقاسمها ..

تصرخ تقول انى ظالمها

و هى بهجرك ظلمانى ..

..

دقات ساعات بعدها وجعاك

تصرخ ما تصرخ مش سمعاك

لا انت معايا و لا انا معاك

هجرنا روحنا و روحنا هناك

و قلبها قاسى أنانى ..

..

قالت هترجع فى الاحلام

و بقربها راح تشفى الام

غابت و شوف اليوم بقى كام

عايشينوا دهر و بنعانى ..

..

مجروح و انت كمان مجروح

و صورتها بينا فين ما نروح

نحلم تعود و تعود الروح

ادعيلها باب السما مفتوح

تفرح و لو طال حرمانى ..

..

يا قلب للاوهام بانى

رجعتلك الاحلام تانى ..

..

#خالدعبدالمعطى