انتو فين يابتوع الجونة
*******************
انتو فى دولة فيها اسلام
ولا فى نار كلها ألغام
والله اللى بيحصل دا حرام
جون ياناس دى ولا جنون
واحدة وطالعة ع المكشوف
جسمها عارى مافيها كسوف
وجنبها ديوس زى خروف
جون ياناس دى ولا جنون
مصر الأزهر ديا منارة
مش راح نسمح فيها دعارة
ياأهل الفن حرام وخسارة
كفاية مهازل طيش وجنون
راعى الحفل بفكر لعين
خلى الحرة فى أيده تلين
من غير خشا أو ذرة دين
خلى الفن بفكره يهون
ذنب الحرة تشوفك ليه
وانتى خليعة وذنبنا ايه
استرى جسمك دارى
عليه
جون ياناس دى ولا جنون
انتو فى لندن ولا باريس
فعلكوا ماسخ ولحم رخيص
واللى يوافق يبقى خسيس
هو دا فن ولا جنون
امتى تحسى وتعرفى دينك
امتى الخشا يظهر فى جبينك
ليه خليتى العرى يقينك
ارجعى توبى بلاها جنون
ياراعى الجونة كفاية فساد
يانجيب ابعد ليه أحقاد
لا فى نجابة ولا فى وداد
خليت لحم الحرة يهون
دا الفن ثقافة وإعلام
يوصل للناس احلى كلام
ليه خليتوا الفن حرام
موسم عرى نساء مجنون
هو انتو فين
انتو فى دولة وفيها مأذن
ربى بهلاكوا يكون أذن
دا اللى بيحصل شئ مجنون
**********
جمال على الشرقاوى
شاعر العامية
ليست هناك تعليقات:
إرسال تعليق