من وحي الصورة
"طفل صُغَيَّر"
----------------
طفل صُغَيَّر عمره ماشافَك
يبكي قصاد قبرك ومقامَك
إزاي بس الطفل ده يبكي
ولسه مايعرف معنى كلامَك
انت حبيب الكل ياطه
مين في الكون يشبه أوصافَك
ربنا بعتك رحمة إلينا
وكان النور دايماً قدامَك
كنت القدوة لكل الأمة
بصدق كلامك وبأفعالَك
مابيفرقش كبير وصغير
لما الكل يدوب في غرامَك
وآدي الطفل بيبكي بحرقة
ونفسه يسيب الكل عشانَك
سبحان مين وقَّعُه في هواك
وقلبه الأخضر يبكي قصادَك
صلى عليك ربنا في سماه
وكل الكون يشكر في خصالَك
عايش دايما جوه قلوبنا
واحنا عباد الله أحبابَك
------------------------------
بقلمي؛؛
م/ محمود الحريري
ليست هناك تعليقات:
إرسال تعليق