أغنية
هدية عيد ميلاد الأحفاد
غنوها لاحفادكم
يارب تعجبكم
في عيد ميلادك ياسمك إيه
كل الناس هتدعي ليه
ويقيدوا شموع ويغنوا معاه
وكله يقول إسم الله عليه
كبر المحروس يالله غنوا
وادي كام سنة وقعت منه
وكل صحابه جم يهنوا
ووقفوا يغنوا كمان حواليه
خمسة ف عين إللي ما يصلي
وع المحروس ييجي ما يسمي
ويدعي ربنا المتولي
ع الحسود يبعد عينيه
هابي بيرث ديي تو يو
كبر الواد وحصل أخوه
وبعد ما كان بيزحف مرة
أصبح يمشي على رجليه
يالله تعالوا هنوا وغنوا
مش هتلاقوا أحسن منه
وادعوا للمحروس واتمنوا
يارب نشوفوا أعظم بيه
ما شاء الله قاعد بيغني
وسط صحابه سعيد متهني
جيبت التورتة هدية مني
والشموع بتنور ليه
عيد ميلاد الصغنونة
كبرت بعد ما كانت نونة
كل صحابه بيغنوله
وكل الدنيا تبص عليه
عيد ميلادك ياسمك إيه
كل الناس واقفة حواليه
مش هرتاح ألا لما تقولوا
دا أحلى عيد ميلاد للبيه
وهبه البوهي
ليست هناك تعليقات:
إرسال تعليق