صباحك حنان
بقلم / محمد على عاشور
صباح الشهد و السكر
معاه الفل و العنبر
و عود مياس بيتمختر
ما بين شريانى و وريدى
حنان الدنيا ف عيونك
جمال الكون ف تكوينك
و نبض القلب بينادي
على عيونك
يجيله الرد من نظره
جمالها يفوق جمال الكون
تغير الشمس من ضيك
يدوب البدر من لونك
ألملم من خيوط الليل
خيوط سودة
و اغزل لك طرح وحجات
و انسج لك عباية تلف عودك لف
برمش العين اخيطها
و روحى تبقى تطريزها
وروحك تبقا وردايه
وياسمينا تزينها
و اعمل خمسه و خميسه
و اعلقها على صدرك
عشان تحميكى م الحساد
يا اجمل زهرة برية
بتتخايل و تتمشى
ما بين الناس
ليست هناك تعليقات:
إرسال تعليق