(الكتمان)
ياما ف قلبى بجد كتمت
وياما كمان وكتير خبيت
مش من حرصى
ولا من ضعفى
عشان بس يعيش البيت
كنت بعيش الحزن لوحدى
كنت بحارب شيطان نفسى
حتى ف لحظه
لما بكيت
كنت بخبى الدمع ف عينى
كنت بواسى بجد أنينى
مهما تعبت ومهما قاسيت
كان إحساسى بإنى بحارب
عمرى بجد ما يوم مليت
واتحملت الظلم ودوقته
حتى ف نومى كمان ف البيت
حتى سهادى بعيشه لوحدى
قلت أكيد اليوم دا ح يجي
ربك قادر دايما يهدى
واقدر اعيش العمر الضايع
قبل ما عزل واسكن لحدى
وابقى بجد ساعتها لوحدى
( نبيل الوردانى )
ليست هناك تعليقات:
إرسال تعليق