قولي
كان قصدك
وعايز توصل لإيه
قاعد وياها في كافيه
وفي نفس المكان
إللي ياما جمعنا زمان
بتنزل صورتك كمان
بتثبت إنك فرحان
صدقني
الحزن باين ف عنيك
مهما حاولت تداري
أنا بقرأ عنيك
بتفكر اني عليك غيران
والله ده كان زمان
لما كان لك ف قلبي مكان
وكنت أسهر ليلي حيران
أصبح قلبي خالي
وإنت ولا على بالي
حاول تنساني
وتنسى فرحي وأحزاني
وتنسى دفء أحضاني
وعيش الحياة
خد من الدنيا نصيبك
ونصيبك هيصيبك
وإياك تنسى
إنك خسران
يوم ما ضيعت حناني
وإفتكر إن قلبي
لقلبك صان
وإنت للعهد خان
وكنت للغدر العنوان
قولي
قصدك إيه
عايز توصل لإيه
هوى الإمام
ليست هناك تعليقات:
إرسال تعليق