أنا أصلي جميلة
خواطر
********
أنا أصلي جميلة وجمالي
فاق الحدود عارفه قيمة
نفسي مش غرور هيا بس
ثقه باعمل شاي ياسلام
ولا طبيخي طعمه مش
عايزة كلام كل البنات بيغيروا
مني ولما بيقفوا جنبي بامسحهم
بأستيكة واه لو خدوني يعرضوني
في البترينه كأني حتة أنتيكه
ولا ليا في اللف والدوران ولا بالعب
السبع ورقات ولا ليا في البلوتيكه صراحتي
سبب همي وتعاستي مبعرفش أجامل
واللي في قلبي ع لساني واه لو حد
شافني ولمح جمالي مش ممكن في يوم
ينساني .....طيبة جدآ بساعد كل الناس
وكل شيء فيا إنساني نصيحة خدوها
ماتحكموش ع حد من جمال الوشوش
افتحوا القلوب ح تلاقوها عمرانه بالخير
ماهوش تمثيل ولا ذواق ولا شوية رتوش
فلسفتي هيا إني أعيش طيبة حتي لو كنت
في غابة ومليانة وحوش ربك كريم
واللي معاه سلاح الإيمان من العبد مايخافش
ومايهموش....معلش انا طولت بكلامي
وأرجوكم مني متزهقوش
سحر أحمد محمد
ليست هناك تعليقات:
إرسال تعليق