كفايه غدر
_______
يا غدر ليه
وسط البشر موجود
أصل الحكاية
مش بالكلام ووعود
نصل الرجولة
بيدبح وبرده نعود
حاسب يا قلبي
هو انت ايه موعود
كتير باعوك
في محنتك يامة
وإزاي ألومك
وضحكتك ماليه العيون شامة
ترسم تسامٌح وسط ملامحها
وفي عز جرحك الحٌب يسمعها
تعلي ساعات وسط لمتها
وساعات يغيب صوتها
وأشوفها في الصورة
وألقي إبتسامة عجب
مفيش كدا تاني
إن كنت ناوي تصون
راح أفتح دكاني
أبيع فيه الإخلاص
ولغدري أكون جاني
جاني عليه مش منه
وأنهض أوام ألمه
وأكسر بقه في عضمه
وأفلتر كدا في دمه
وأعمله كام تحليل
وأشوف فصيلته ايه
إن كان له أصلاً أصل
يا غدر بسببك ضاع
حاجات كتير يامة
ولازماً بقه تنتهي
ويسكن كدا في حٌبنا
يا قلبي الإخلاص
بقلم/وافي إسماعيل الشلبي
ليست هناك تعليقات:
إرسال تعليق