الوتين
______
مسألتش ليه قلبي الدايب
ليه بقاله يومين عنك غايب
وحكمت علي كل مشاعري
ويا ريت حكمك كان ينصفني
بالعكس جرحني وخوفني
وفي وسط حياتك لففني
أبحث عن حاجة بيها أسامحك
ولقيت إحساسك يناديني
وقطعت خلاص كل وتيني
مش زيك تحكم بالظاهر
إلتمس العذر يا واد ليا
يا حبيبي يا كل ما ليا
دي طلتك طلة بهية
وبنسي معاك كل أحزاني
إرجع يا حبيبي وطمني
وإن غبت عليك ابقي افهمني
ومتظلمنيش تاني يا حٌبي
لو كان علي قلبي راح أسيبه
يصحي وينام جنب حبيبه
ماشي سواح أنا في الدنيا
بدون قلبي بس لهيبه
شعلة إشعال تقولوش ذاتي
لو هديت
راح ألف وأرجع لحبيبي
ومن قلبي راح أشحن تاني
وأهي ماشية خلاص وليه نغيرها
سيبوني يا ناس عايش حالة
بقلم/وافي إسماعيل الشلبي
ليست هناك تعليقات:
إرسال تعليق