من وحي الصورة
بيتنا الكبير
بيتنا الكبير كله دفا وحنية
حيطانه مسقية ود و بالحب مروية
بيت فرشه بسيط كنب وحصير
وصور فوق الحيط كعبة وآيات قرآنية
تهدى العين والنفسية
بيتنا الكبير
كله أمان وخير لينا وللغير
بابه مفتوح نهار وليل
أبويا فيه ضلاية تضلل بأمان
يحمي ويصون ما هو السند والأصول
ومهما عليه الزمن يجور وتد وحنية
الكل يلجأ له غريب وقريب
ياخد من الحكمة رأيه
أصله حكيم ورزين
يراضي ويصلح لاجل الحياة تسير
ويجبر الخاطر لأنه كان شاطر
وعارف إن الدنيا يومين والكل عنها راحل
وأمي نبع الخير
كرم بزيادة تقول للكل أهلين
اكل وترحيب تقولش ورثة فدادين
طبلية مفروشة كلها بالخير
والأكل زيادة وده واجب ضيف
نفوس راضية بالحب مليانة
حَفظة للأمانة ما تعرف خيانة
وراثة بالعين التربية مش كلام
ده فعل وياسلام على الطيبين الطاهرين
اللي للدين عارفين وعليه متربيين
يدوا من غير حساب لامن ولا أذية
والرد يوم الحساب من رب البرية
خزاينه كتير جواد بالعطية
البيت الكبير
خوات وصحاب وعمام وأخوال
وجدود كمان كانوا الأمان
ورمز الحنان كانوا البركة
في البيت طَ
رحة حب وفرحة
والكل حواليهم
يارب ارحمهم واغفر لنا وليهم
واجمعنا يارب في الجنه بهم
هوى الإمام
ليست هناك تعليقات:
إرسال تعليق