👍القلب تحت حمل الحزن👍كلمات الشاعر/ خالد عبد المعطي

 القلب تحت حمل الحزن نخ

لكن الجسد واقف عنيد.. 

.. 

و الليل بيتحدى النهار 

و ناصبله فخ

لكن الامل عمال يزيد.. 

.. 

و العمر عدا و فى الوجوه

بص و صرخ

الزمن هز الكتاف

قال ايه يفيد.. 

.. 

قلبك عبيط 

لو هو بحر من المحبه 

البعد اكبر م المحيط.. 

.. 

ابن مين علشان تحب 

مش راح تطول مهما تشب

انا موجى عالى

 و حتى بحرى عليك غويط.. 

.. 

حتى الهوى بقى بالنسب

و فى امتحان العشق عندك

قلبى رسب.. 

.. 

و اما سالت عن السبب

ردت عنيك

قلبك لقيط.. 

.. 

مطلوب فى اورا

ق الهوى

كشف هيئه و كشف عيله.. 

.. 

و كمان ملخص عن حياتك

و كل يوم عشت فيه

و كل ليله.. 

.. 

مطلوب تستوفي الورق 

قدام عنيك لسته طويله.. 

.. 

عن اللى فاتك

و ذكرياتك

قصة حياتك

و معنى ذاتك

....... الخ.. االخ.. 

و تمضى و تبصم بكل ايد.. 

.. 

القلب تحت حمل الحزن نخ

لكن الجسد واقف عنيد.. 

.. 

#خالدعبدالمعطى