قالت
لما بصيت فى المرايا
ولقيت اتغيرت ملامحى
قلت هنسى الحكايه
واقول روحى سامحى
وبعتلك اطلب دوايا
ترجع وتداوي جرحى
لقيت فيك الصدق تايه
كل نظراتك بتوحى
قلبك كداب م البدايه
وغدرك رافض يمحى
قسوه تزرعت بعنايه
كانت تمللى ضد فرحي
أفتكرت زكرى هوانا
لما يومها الحب نادانا
كان العهد يدوم لقا نا
زى الشمس ويا صبحى
كان القلب تمللى زاهد
لكل اللى حواليه معاند
مايشوفشي الا واحد
خياله للعين يصحى
. وانت للفجر اذانه
ظهورك ثابت أوانه
كأنك للوقت زمانه
نسمتك تنعش جوارحي
ليه هجرنا أيه غيرنا
تاهت عن السماح أعذارنا
الحنان جف فى مشاعرنا
فى طعم العسل ملحى
لكن جوايا الشوق لسه
كل شويه يهمس بهمسه
وأنت هاجرت وقلت فرصه
كنت غاوى بقلبي تضحى
والدليل لما ناديت
يعود القمر لسماه
رد القمر قال ياريت
تنسي الماضي وتسامحى
*************
وحيد احمد
ليست هناك تعليقات:
إرسال تعليق