# "إشتقتلِك
-----------------
اشتقتلِك ياحلم عمري
وأغلى حاجة ف دنيتي
شُفت السعادة معاكِ
وعشت أجمل فرحتي
من يوم مابعدتِ عني
زادت همومي ولوعتي
والنوم خاصم جفوني
عايش بحزني وحسرتي
قلبي ينادي عليكِ
أصلِك نصيبي وقسمتي
............
اشتقتلِك ياللي دايماً
كنتِ فرحي وبسمتي
حُبِّك عشش فى قلبي
مالِك كياني ومهجتي
وحياة عنيكِ الحلوة
لاسقيكِ كل محبتي
تمسحي بإيدِك دموعي
وترجعيلي ضحكتي
------------------------------
بقلم : م/ محمود الحريرى
من ديواني ابتدا بحبك صباحي
ليست هناك تعليقات:
إرسال تعليق