* بنفس الكيل *
بقلم /عماااد الأبنودي
••••••••••••••••••
رسالة للي يفهم ....!
واللي عامل فيها ديان
دواره الدنيا دواره
و كما تدين تدان
خليك رحيم عطوف
و قلبك بالحب مليان
ده محدش خالي العيوب
و لو عاش عمره زمان
ماحناش ملايكه ع الأرض
لابسين جناحات طيران
كلنا بلا استثناااااااء
غلطنا أهو في الميزان
فبلاش دور القاضي
تحاكم و تجلد باللسان
و كااااأنك أنت البريء
و عمرك ما تكون غلطان
سامح زي اللي سامح
و من شيمته كان الغفران
قسوتك هتعود ليك
و بنفس الكيل كمااان
إزرع الأرض البور خير
و ارويها دوماً حناااان
دي الروح تشتاق لاليفها
و اللي يحتويها بأماااان
و إفهم ما بين السطور
و افتح القلب كماااان
خسارة العمر ماتتعوضش
و لو عشت أيامك أحزان
بقلم
عماااد الأبنودي
20 / 10 /2021
ليست هناك تعليقات:
إرسال تعليق