إيه يازمن
عبدالمنعم عدلى..مصر
إيه يازمن
فاضل فيك إيه
هات اللى عندك يازمن
كان الزمن
ماشى معانا زمان
والنهارده وإحنا
على موال
ماشيين والصبر
مشواره طويل
حتى لو غاب
نهار الزمان
هنفضل على
هذا الحال
الناس فى هول
الموال وإحنا
بنشوف الحال
تعال يازمن
عرفناك وإنت
ضعيف وكنا
فاكرين مكرك
تمللى شايل
لينا سكاكين
غدرك فى الظهر
كنا بنحبك
ومشينا معاك
على عهدك
خاين يازمن
بتغدر بينا
وعشت معانا
بعيون أفاعى
وماكنا دريانين
ظلمتنا بناسك
بس إتعلمنا
منك موال الصبر
والصابرين ربحانيين
حتى لو باعوا
الصبر فى حطين
هروح وأشتري
من أهل الصبر
قيراط والاقيراطين
وأقول
إبعدوا عنا
شيطان الإنس والجان
إتحدوا علينا وباعونا
ووقفوا يتفرجوا علينا
ياخسارة عليك
يازمن وعلى ناسك
ماشبعوا من
طبلية أهاليهم
نظراتهم تمللي
لناس حواليهم
إتولدوا والدهب
كاالماء أمام عنيهم
دينهم دنياهم
كتابهم فتحتهم
ولاينظروا لغيرهم
بطونهم بالخير مليانة
فقراء الى الله
والرب تمللى راعيهم
غدار يازمن غدار
تمللى ناسك
تغدر بأهاليهم
والحلو فيك يازمن
بتفضح ناسك
أمام عنيهم
ياخسارة على
ناس تعبت عينيهم
والمكر بان فيهم
إيه يازمن
هات اللي عندك
وخلي كتابك
يفضح فيهم
بقلمى عبدالمنعم عدلى
ليست هناك تعليقات:
إرسال تعليق