زاد الهوى
بقلمي / عبدالحميد السماحي
زاد الهوى زادي
راح تحلف ببعادي
أنا القمر والنسمه
والشمس عالوادي
بالحب يانجمي
أعيش أنا حياتي
مش مغلوب على أمري
ولابعاند فى عنادي
خايف ليه من الليل
الشموع لأحفادي
أنا زي العيد بهل
محسوبه ساعاتي
وبحق جود الرب
كل الأحبة أفادي
وإن غابوا يوم عني
فى القلب وقصادي
زاد الهوى زادي
ياشمس والهمه
عالحب أنا بنادي
بتحدى كل الريح
بغنيك فى إنشادي
وإن شفت يوم الظلم
أشكيه للقاضي
بجوارحي ماهعديه
وبقوتي مش سكاتي
ماشبعت يوم من الحق
وماغبت عن صلاتي
ماراح يوم الأمل
واقول لجسوره تحياتي
ماتبعت يوم البدع
ولا للخدع طاقاتي
ياصبر حكمه وروح
أنا للطموح بإنجازاتي
زاد الهوى زادي
ياقمر يامعدي
هدي بيك كراماتي
أنا للربيع والنسمه
والقسمه بيها شمعاتي
أهدي ملاك الروح
منين ماتروح بركاتي
مكتوب على صرح الأمل
هنا العمل ونجاتي
وإن صرخت يوم الآه
مفيش تواه بيوم شاتي
أنا للهموم والقدر
زي الشجر للريح راضي
ياحروف ناديتي القلم
وللمحترم عمري يفادي
للضعيف قوه وقسم
وبالكرم راسي مهاتطاطي
زاد الهوى زادي
بقلمي
عبدالحميد السماحي
مصر 🇪🇬 محافظة كفرالشيخ
قرية الشمارقه
ليست هناك تعليقات:
إرسال تعليق