( العراف)
كلمات الشاعر/ سعيد الشبراوي
كتبت فى 29/3/2021
بيقولوا رايحين للعراف
إلى عامل فيها أبو الاعراف
كلامه بيصدف ....مرة
وبيخلف .........ألف مرة
دا كله مقدر ومكتوب
وبالورقة والقلم محسوب
اجلك رزقك ....سعدك
صحتك راحتك يوم وعدك
ما يملك الغيب إلا الله
هو الملجأ والسعد فى رضاه
يقولك معمولك... عمل
مربوط على......... ديل جمل
وإلى يبص فى الفنجان
ويخض الناس ويعمل جنان
وإلى يرش بخور ع النار
وبقولك الجن إنصرف وطار
وإلى يعمل .......دقة زار
إرحمونا ياناس... عقلنا طار
وإلى يعمل حجاب ملفوف
والزبون.......... قاعد ملهوف
يانا س ......إفهموا وإعقلوا
هو فى إيده........ إيه يعملوا
وإلى نفسها ...تبقى عروسة
على طول تروح للخالة نوسة
لاهى حتجيب... لها عريس
ولا تملك......... تخليها عروسة
وإلى نفسه....... يبقى غنى
يروح وهو........... أصلا غبى
يارب يامقدر....... الأقدار
أجعل لنا ...........خير الاقدار
ولا تحوجنا .....إلا إليك
دا كله حتماً .......راجع إليك
عمرنا فى السالف كتبته
ورزقنا............ وزعته وفندته
والسعادة...... كلها بإيديك
والصحة......... والرزق حددته
لا تكلنا............... إلا إليك
ومقام ............حبيبك عليك
وإنت يالى .......عامل عراف
ولا تعرف مين خد ومين شاف
توب............... وإرجع لربك
يقبلك............... عنده ويحبك
وإرجعوا........ يالى رايحين
تشموا......... الجنة والرياحين
ليست هناك تعليقات:
إرسال تعليق