ملل........
بقلم.. مجدي الجندي
ملل....ملل
وعقارب الايام
دايرة في الفلك
بتلف تطحن
في الامل
عكس اتجاه كل التفاؤل
مش مديانا اى فرصة
للتساؤل
او تجاوب ع السؤال
ايه العمل
طب نرسم ازاى حلمنا
لينا كلنا
او بعضنا
او حتى واحد مننا
ونزيف من سن القلم
طايح يعربد في السطور
ينشر حروفه فى كل
ارجاء الورق
من غير اسف
من غير ندم
لا باين منه عتمه
ولا ظاهر منه نور
يولد الم....
من رحم يشبه فى شكله
بيت للعنكبوت
يكبر شجن
انا شوفته في ضربة ودع
حسيت بشييء بيهزني
قلت دا شوية دلع
فوووء ياجدع
عشقك مالهوش في البدع
دول اللى فاضل م الندم
دا حظ تاه في سكتين
غير سكتك
وانت سبقته بنقطتين
في محبتك
Magdy ELgendy
ليست هناك تعليقات:
إرسال تعليق