"غلطة"
-------------
ليه تقولي إنك غِلِطتي
لما صدقتي وآمنتي
يوم ماقلتْ إنى بَحِبِْك
وإنك انتي كل بختي
قوليلي بس انا إمتى سيبتك
أو إمتى حتى بعدت عنك
إزاي تقولي ف يوم ظلمتك
أو إني باستهزأ بقلبك؟
ليه تقولي انك ندمتي
أو تقولي ان انتي فوقتي
هو انا اللي قسيت عليكي
والا خليتك بعدتي؟
هيا كلمة خديها مني
ومش هاعاتبك
اللي خلانا اختلفنا
هِيَّا غِيرْتِك
لما صدقتي الوساوس
وبإديكي تعبتي قلبك
إنتي في الآخر غِلِطْتِي
لما روحتي بعيد وغِبتي
وهان عليكي كمان هوانا
وفوق قلوبنا بقسوة دوستي
------------------------------------
بقلمي؛ م/ محمود الحريري
ردا على قصيدة
💓آه...غلطت💓
للشاعرة القديرة أ. صفاء الخواجة
Safaa Elkhawaga
ليست هناك تعليقات:
إرسال تعليق