يا وكستي
خواطر
*****
يا وكستي انت سبب شقاياولوعتي
الناس خيبتها حبه غلب وأنا خيبتي
بالقنطار
مكتوب عليا أمسح دموع غيري وأنا
عيني آه يا عيني بتسح الدمع ليل
ونهار
قولولي أجيب الحظ منين ولا أشوفه
يمكن ألأقيه عند العطار
هو فيه حد في الدنيا يكره راحته
ولا يتمنى يقف للهم حزين زنهار
في ناس الدنيا دايما معنداهم وتملي
واقفة في طريقهم ومعاكساهم
يا ويلهم لو قلبت وكانت عليهم
مش معاهم
باقولكم يالي بتحكموا علي الغلابة من
الظاهر العذاب هما مجبورين عليه مش
ع هواهم بادعي يترحموا م اللي هما فيه
وربنا يكون معاهم
أنا يا سعادة البيه عايشة في الدنيا مجرد
كومبارس عمري ما أخدت دور البطولة
أنا اللي قالوا عني المنسية والمرأة المجهولة
كل حاجة كانت بتحصل لغيري كانوا بيحملوهالي
وانا في الأول والآخر مجني عليا ومش مسئولة
أرجوكم ماتحكموش عليا وخلوني أعيش أنا واثقه ومتأكدة
ان عذابي دايم مبينتهيش
سحر أحمد محمد
ليست هناك تعليقات:
إرسال تعليق