👏نفسي👏كلمات الشاعر/ حمدي توفيق

 00  نفسي. 00  

0000000000

نفسي أكون وسط الحبايب

اللي حاضر .... واللي غايب

ويبقوا جَنبي.... العمر  كله

ويبقى لي من الود ... نايب

.....

نفسي اشوف اللي مني

 يبقوا جَنبي زي ضلي

وتختفي بينا .... المصالح

لإني منهم وهُمَ ......مني

.....

ونفسي بردوا ألاقيكم جنبي

دا  فراقكم زمان مكنش ذنبي

وتتوصل بينا حبال المحبة

ويبقا دايماً وطنكم قلبي

.....

ونفسي ترجع حكايتنا تاني

ثومة  وكتير من ... الأغاني

والطبق الطاير بين البيوت

دليل المحبة ..... والتفاني

..... 

نفسي أبقا ليكو ..... ضهر

وانتم تبقوا ........ عزوتي

نفسي أبقالكم ...... سعادة

وانتم تبقوا ....... فرحتي

.....

ياللي مني أنا ... مشتريكم

بالغالي و بعت ... الرخيص

زي قلبي...... ماراح تلاقوا

قلبي من النوع .... النفيس

......

ونفسي الدنيا تعمل فاصل

ومتجيش أبداً على غلبان

مهماً كان في العالم حاصل

متزلش  في يوم .. إنسان

......

ونفسي أحس بجنة ربي

موجودة بس على الأرض 

بس دا مش ممكن يحصل 

إلا إذا طبقناها سُنة وفرض

......

ونفسي تقوم الدنيا ... قيامة

على الظالمين يبقوا ف دوامة

وإحنا نشوف الحاصل .. ليهم

بس يارب ....... إدينا علامة

.....

وياريت نرضى .... بالمكتوب

قالوا زمان مافي منه هروب

كل واحد عنده ..... سجل

فيه عَمله كُله .... مكتوب

......

بقلمي 

م. حمدي توفيق