🌹الحب الاول🌹
الحب الأول ف حياتنا....
دايما بنفوته وبيفوتنا....
بيكون أحلامنا ودنيتنا....
وبيجمع شُوقنا ولهفتنا...
....
إحساس مش ممكن يتكرر...
ولا يقدر عاشق ينساه...
بيعيش ويانا وبنكبر....
محفور جوانا وجواه.....
....
أيام بتفوت وبتشّغلنا....
ونعيش دوامة ف حياتنا....
يمكن أغنية تشعللنا....
أو ريحة عطر تشتتنا....
....
للقلب إرادة بتغلبنا...
والذكرى ضيف من غير موعد....
ما بنقدر ننسى حبايبنا.....
لكن بنحاول نتعود...
كلماتي
علاء محمود
ليست هناك تعليقات:
إرسال تعليق