"صباح السعد"
----------------------
ياصباح الأزهار بتفتح
جوه البستان
وصباح الياسمين والعنبر
مع صوت كروان
والطير بيغني ويتنطط
فوق الأغصان
وكمان الناي اللي بيعزف
أجمل ألحان
والورد بيرسم لوحة هايلة
كلها ألوان
*****
ياسلام ع الندى لما يصبح
على خد الورد
والورد يمَيِّل على غصنه
وعبيره يشد
ونسيم الصبح يفَوَّقنا
وينعشنا بجد
والشمس على الكل تنور
ومتنساش حد
وتصبح على كل الدنيا
ياصباح السعد
ونلاقي الدنيا بقت حلوة
وأحلى من الشهد
---------------------------------
بقلمي؛ م/ محمود الحريري
من ديواني " لسه بنعاني"
ليست هناك تعليقات:
إرسال تعليق