( نفسي أخبيكي )
بقلمي الشاعر/ محمد غبن
شاعر آل غبن بمصر والشتات
كلمات عاميه بلغة محكيه
2/8/2025
نفسي أخبيكي في حضني عن الدنيا وكل ما فيها
نور حياتي وشمسي قبل ضلي متحكمه بحياتي واللي عليها
ماإنتي عارفه إني يتيم مسكين
ومعشتش أجمل لحظات الحياه
عايزك سندي يوم ماالزمن يصر إنه يسقيني الأااه
صدقيني وقتها هتنسيني كل شيء عيشته كان حزين
يتمي وشقايا في دنيا ما سبتش
غير تجاعيدها علي مر السنين
كإنه تكريم أو نوط شجاعه
حالفه تسقيه لجميع الشقيانين
عارفه إني مخلص وأفديكي بكل ما املك حتي روحي الطيبه والحنين
اللي شاف منك زمان كل حنيه
وسط ظلمه كانوا متألهين
لا كان في دماغهم موت أو رجعه لربنا ويكونوا قدامه بالحساب
قوليلي ايه نفعهم غير ظلمة قبورهم المليانه سواد كإنه هباب
فيه أكتر من كدا إستحقاق لمظلوم
إفتروا عليه خلوه وهو صغير شياب
يشبهوا يأجوج ومأجوج قتلوا حلمه من جوا البيت وخلف الأعتاب
كإنهم عمل سفلي متوصين عليه
لازم يقوموا بيه وينفذوه بحرفيه
ماتت من جواهم فطرتهم واستبدلوها قسوه غير عاديه
والجلاد هنا كان أقرب القريبين
لا في يوم قلبه عرف الرحمه ولا قال دا عطية ربنا أفديها بالعين
زي إنسان بفطنته الداخليه لكن كل دا علشان عشقه للإنتقام
كإني سجانه وبيقوم بدوره
ليرضي الظلم نفسه والأيام
علشان كده نفسي أخبيكي جوا حضني عن الدنيا وكل ما فيها
علشان تكوني بس لوحدي
تعوضيني ايام المرار
وأكون ليكي زي بستان جميل بيشع زهور فواحه وخضار
لإنه مش كتير عليكي برغم إنك نسيتي من ايام ماكنا صغار
وأنا منتظر بكل شوق ولهفه وجودك عندنا بالدار
ليست هناك تعليقات:
إرسال تعليق