جبرنا الخواطر
جبرنا الخواطر و شيلنا المخـــــــــاطر
و لا حد قدر و لا حـــــــــــــــــــد فاكر
و لما شكينا لحالنا ســــــــــــــــــــابونا
و هانت جروحنا علي كل كاســــــــــر
ما حدش جبرنا و لا يوم شكــــــــــرنا
و أنياب بتنهش و تهبش ظًــــــــــوافر
يقولوا حبيبنا و ساكن قلـــــــــــــــوبنا
و يوم لما تغضب يقولوا ده فاجـــــــر
و يوم إما تجزع تلاقي إللي يوجــــــع
و تلقي بقلوبهم بارود أو محاجـــــــــر
مافيش حد يجبر بخاطرك ويمســــح
دموعك ده كل المحبه مظـــــــــــــاهر
لا تستني شفقه و لا ضحكة صــــدقه
و خلي جروحك و كسرك معــــــــــابر
تعدي عليهم و تستقوي بيهــــــــــــــم
و تصنع بعرقك و دمك جواهــــــــــــر
و خلي كفوفك في كسرك تشيـــــــلك
و يوم لما توصل يدقوا المزاهـــــــــــر
و ما تسيبش خاطر يكون جبره عندك
وعيش برضو و اجبر لنفسك خــواطر
#ناصر_العوضي
ليست هناك تعليقات:
إرسال تعليق