" سمك🐳 - لبن🍼 - تمر هندى🍺 "
( آه ه ه ه ه ه يا مدارس )
▪︎تفتكروا بهدلته ... وعقلى منى فات
▪︎من يوم ما دخلته ... مدرسة اللغات
▪︎الواد يجيينى يرطن ... مش فاهم منه حاجه
▪︎وأمه جنبى تركن ... الديك جنب الدجاجه
▪︎الأبله يعنى "ميس" ... والمستر يبقى خوجه
▪︎ولو طلعلى حس ... "يأنجرى" وتبقى هوجه
▪︎يقول "تويلت بلييز" ... ويدخل الكنيف
▪︎يشاور ع المعيز ... ويقول "نايس" لطيف
▪︎القطة صبحت "كات" ... والعمه يعنى "هات"
▪︎والكلب هوه "دوج" ... والعتمه ف عينى "فوج"
▪︎أصرخ وأقوله جااااى ... يقولى هوه بااااى
▪︎خدلك "درنك شاى" ... أو خلصنا و "داى"
▪︎عشانه بعت "هاوسى" ... علشان يعرف يعيش
▪︎هأدفع وأسد "ماوسى" ... مصاريف متنتهيش
وعجبى......
(خالد فاروق)
ليست هناك تعليقات:
إرسال تعليق