أحلى حمير
====
ياما مناصب فيها حمير
وبتهتف ليها الجماهير
باستخفاف لعقول ممسوحه
م التغييب طالها التهكير
وياما عقول م العلم بتضوي
طالها تجاهل مع تهجير
ساد الجهل وعشش فينا
زي غراب البين بيطير
ليل ونهار إعلامنا يطبل
ويخلي الصعاليك مشاهير
نمبر ون وحمو وبيكا
دقوا ف راسنا كتير مسامير
وعلى كراسي السلطه كتير
بس وجاهه مع التقصير
غاب العدل وحل الضيم
واتحكم فينا الدبابير
راعوا ضميركوا ياعالم فوقوا
مش كل أموركم تدمير
بكره القبر يلم عفنكوا
والدود راح ينهش ويغير
=======
بقلمى سامح توكل أبوالسبح
ليست هناك تعليقات:
إرسال تعليق