طيبة ماتتقدر
طب ليه نعطي ما نتقدر
ونرسم فرحة في وشوشنا مانستخصر
ونخبي آلامنا جوانا وللحزن بنتنكر
ونتصنع فى أفراحنا وجوانا بيتوجع وبيتحصر
والدمعة محبوسة فى عنينا ورمش عيونا متخضر
ونقول دي عيونا مطروفة مع إن عيونا بتمطر
ونطاطي لجل حبايبنا ونضحي والكل علينا بيتشطر
وندادي رغم ما فينا والله دي طيبة
مش أكتر
ونداري مر مافينا ونحوله حبة سكر
ويحسبوه ضعف فينا وعلينا الكل بيتكبر
والله دي قوة حنان فينا وطيبة صفاها متكرر
ونعمة من الرحمن لينا وللجنة بنستنظر
واوعاكوا تبكوا فى عنينا ليجلكوا الرد متأخر
وتقولوا د كان جدع فينا وطيبته ياناس ماتتقدر
بقلم فهمى محمودحجازى
ليست هناك تعليقات:
إرسال تعليق