أنا انسان
بقلم.. مجدي الجندي
لا أنا قاضي ولا جلاد
ولا واعظ على منبر
ولا درويش واقف ف الحضرة .
..بيكبر
انا انسان -- وقلبي امان
ونبضاته دي .....رنة عود
وتسمعها........كعزف كمان
مابين كلمة مع همسة
وبين ضحكة مع لمسة
انا انسان... وعمري في يوم
ما اكون حاكم....
ولا هانصب في قلبي ... منصة
ولا فاضي اسمعلك.... القصة
ولا هامسك في ايدي شاكوش
اخبط ..صوته يخرسكم..
وماسمعكوش
انا انسان ..لاعمري وقفت
يوم فى مزاد
ولا ساومت على
ايه ناقص
ولا ايه زاد
مع أن اللى ساومونى
وظلمونى ....وخانونى
باعوا كتير فى حكاياتى
ولا اتهزت لهم شعرة
فى مين ظلموه..
ومين خانوه
يبات قلبي
يقلب ليه فى أحزانه
واحواله....
فى يوم احساسه
قاله ايه
فى نبضه
يعلي
يوم كده ليه
اتاريهم ..فى يوم
نصبوا مزاد عليه
وشربوا كاسات
و ضحكواااا بصوت
ولا خافوا
فى يوم مالموت ....
Magdy ELgendy
ليست هناك تعليقات:
إرسال تعليق