من وحى أكتوبر ١٩٧٣م
-----------------------------
يوم ٦أكتوبر
المولى كان ستار
قائدنا قال للولاد
العزه والا العار
هتف الولاد ياريس
هنكمل المشوار
العزه راس مالنا
لولادنا تبقى فخار
والقاده في الغرفه
وبفكر كان مسبوق
رسمولهم الخطه
حالفين حياتنا تروق
طيرانا دك العدو
منهضشي جد يفوق
ست ساعات بالضبط
راح العدو مزنوق
في الأرض شرق وغرب
والطيارات من فوق
رفع الولاد العلم
ومهمهمشي النار
بقوه وجساره
حلفوا ياخدوا التار
و المولى كان حارس
والصيحه دوت نار
الله أكبر عليكم
رجاله زلتوا العار
والأرض اهي زلزلت
تحت العدو الغدار
ولَّى الخسيس
من خوفه
بلغ ياخلق فرار
والحرب كانت
ملحمه
شايله كتير
أسرار
وقف العالم
كله
مزهول أوي
محتار
من قوة
المصري
القائد الجبار
حطم بأفكاره
خط الدفاع
انهار
بكل قوه
وجساره
عبر القناه
أحرار
زعق العدو
الغدار
راح فين
ياناس بارليف
الجيش ده
اسطوره
أُلطف بنا يالطيف
يامجلس الأمن
إنهض
ده جد مش
تهويش
خلصت حكايتنا
والنصر كان
موال
راسمينه لولادنا
أجيال ورا أجيال
يارب من فضلك
تفضل حياتنا عال
____________________
شعر الاستاذ/طلعت مجاهد
ج مصر العربية أجا دقهليه
_____________________
ليست هناك تعليقات:
إرسال تعليق