(لو معاك رصيد ف فيزا )
لو معاك رصيد ف فيزا
الحياة تصبح لذيذة
تحلم الحلم تنوله
ولا حاجة عليك عزيزة
لو معاك رصيد ف فيزا
تاكل أحلى المأكولات
تشتري أحلى الموضات
والحاجات تساوي قرش
تشتريها أنت ببريزة
لو معاك رصيد ف فيزا
كل الناس هيطبلولك
ولما يشوفوك هيدعولك
وكل حاجة وحشة فيك
في عيونهم تبقى ميزة
لو معاك رصيد ف فيزا
كل الناس تجري جنبك
تستنى ووتمنى قربك
وباشارة بس منك
هيناموا ع الترابيزة
لو معاك رصيد ف فيزا
هتلاقي من ناس إحترام
وتلاقي نفسك م الكرام
والستات يدوك سلام
لو حتى كانت موناليزا
لو معاك رصيد ف فيزا
ومعاك قرش تساوي قرش
وأنت بتربي في كرش
مكبر مخك مابتفكرش
حب المال عندك غريزة
ويبقى معاك رصيد ف فيزا
ويبقى معاك رصيد ف فيزا
وهبه البوهي
ليست هناك تعليقات:
إرسال تعليق